|
Terán dereito a unha bonificación do 50 % sobre a cota íntegra do imposto, sempre que así se solicite polos interesados antes do inicio das obras, os inmobles que constitúan o obxecto da actividade de empresas de urbanización, construcción e promoción inmobiliaria tanto de obra nova coma de rahabilitación equiparabla a ésta, e non figuren entre os bens do seu inmobilizado. 1- O prazo de aplicación desta bonificación abranguerá desde o período impositivo seguinte ó remate das mesmas, sempre que durante este tempo se realicen obras de urbanización ou construcción efectiva, sen que, en ningun caso, a bonificación poida aplicar a máis de tres períodos impositivos. 2- Para o goce desta bonificación, os interesados deberán presentar escritos dirixidos ó Excmo. Sr. Presidente da Deputación Provincial de A Coruña durante o ano correspondente ó inicio das obras, debendo achegar a seguinte documentación: - Copia do recibo do imposto sobre bens inmobles, correspondente ó inmoble ó que se refire a solicitude de exención. No caso de que non se despoña do mesmo, certificación expedida pola Xerencia Territorial do Catastro de A Coruña-Provincia, no que se faga constar a referencia catastral do referido inmoble. - Certificado da concesión da preceptiva licencia municipal que autorice a realización das obras. - Certificado do técnico-director das obras de construcción, visado polo Colexio Oficial competente, no que se indique a data de inicio das obras. - Documentación que acredita que e o inmoble para o que se solicita a bonificación non figura entre os bens do inmovilizado da empresa: cédula de cualificación provisional, no caso de vivendas de protección oficial, fotocopia do derradeiro balance de situación presentado ante Facenda ou certificado do censor xurado de contas, no que se faga constar tal circunstancia. - Documentación pola que se acredite que os inmobles ós que afectan as obras constitúen o obxecto da empresa de urbanización, construcción ou promoción inmbiliaria: fotocopia dos Estatutos sociais ou fotocopia da declaración de alta no imposto sobre actividades económicas. 3- Á vista da documentación presentada, á Excma. Deputación Provincial dictará resolución concedendo ou denegado a bonificación solicitada. A bonificación concedida só terá efectos para o periódo impositivo seguinte ó inicio das obras, debendo solicitarse expresamente a súa prórroga para os dous períodos impositivos seguientes, achegando a documentación que acredite que se seguen a cumpri-los requisitos establecidos.
|
