Estás en:Novas

Boiro acolle o martes 17 de maio a segunda proba do I Circuíto de Piragüismo Deputación da Coruña

A proba disputarase na praia de Barraña e está previsto que participen preto de 400 rapaces e rapazas de entre 6 e 16 anos chegados de toda a provincia
A primeira regata tivo lugar o 24 de abril en Narón e a próxima será o 5 de xuño en Betanzos

Boiro acolle o martes 17 de maio a segunda proba do I Circuíto de Piragüismo Deputación da Coruña

A praia de Barraña, no Concello de Boiro, acollerá o próximo martes 17 de maio, coincidindo coa celebración do Día das Letras Galegas, a segunda proba do I Circuíto provincial de Piragüismo Deputación da Coruña.
A regata, organizada pola Federación Galega de Piragüismo e o Club Piragüismo Rías Baixas de Boiro, en colaboración coa Deputación da Coruña, dará comezo ás 16 horas e está previsto que tomen parte ao redor de 400 rapaces e rapazas pertencentes ás categorías de benxamín a cadete e chegados de toda a provincia.
A primeira regata deste circuíto provincial tivo lugar o pasado 24 de abril en Narón e continuará o próximo 5 de xuño en Betanzos. Logo, seguirá o 21 de xullo en Ames, o 6 de agosto en Outes e rematará o 4 de setembro no lago das Pontes.