Estás en:Novas

400 rapaces da provincia participarán este verán na Coruña nos campamentos deportivos da Deputación

O prazo de inscrición está aberto ata o 31 de maio nos 93 concellos coruñeses

Durante a súa estadía no centro Calvo Sotelo, os rapaces contarán cun amplo programa de actividades deportivas, lúdicas e culturais

400 rapaces da provincia participarán este verán na Coruña nos campamentos deportivos da Deputación

Catrocentos rapaces e rapazas dos 93 concellos da provincia da Coruña participarán este verán nos campamentos deportivos da Deputación da Coruña.

Os campamentos están destinados a nenos e nenas de entre 9 e 14 anos de idade e desenvolveranse durante o mes de xullo no Centro Calvo Sotelo da Deputación, ubicado na cidade da Coruña, en catro quendas de 5 días de duració. O prezo do campamento é de 85 euros, que inclúe transporte, estadía e manutención. O prazo de inscrición está aberto ata o vindeiro 31 de maio nos concellos.

Durante a súa estadía, os rapaces contarán cun amplo programa de activades que inclúe dende a práctica da natación, o tenis, o sendeirismo ou deportes naúticos ata xornadas de praia, obradoiros, actividades e visitas culturais a centros de interese cultural na cidade e a comarca da Coruña coma a Torre de Hércules, o castelo de San Antón ou o Aquarium Finisterrae.

O programa cultural complétase con veladas nocturnas nas que os nenos desenvolverán actividades e xogos que fomenten a convivencia e o intercambio de experiencias.

En cada quenda participarán un total de 100 rapaces, que estarán supervisados en todo momento por monitores titulados e o un director/a de campamento.

Catro quendas durante o mes de xullo

Os campamentos desenvolveranse en catro quendas de cinco días de duración, segundo o seguinte calendario:

 

QUENDAS

 

 

CONCELLOS

1ª QUENDA
(do 30 de xuño ao 5 de xullo)

Cabana de Bergantiños, Camariñas, Carballo, Carnota, Cee, Cerceda, Corcubión, Coristanco, A Coruña, Dumbría, Fisterra, A Laracha, Laxe, Malpica de Bergantiños, Mazaricos, Muros, Muxía, Outes, Ponteceso, Santa Comba, Vimianzo e Zas.

2ª QUENDA
(do 7 ao 12 de xullo)

Abegondo, Ares, Betanzos, Cabanas, A Capela, Cariño, Cedeira, Cerdido, Fene, Ferrol, Irixoa, Mañón, Miño, Moeche, Mugardos, Narón, Neda, Ortigueira, Paderne, Pontedeume, As Pontes, San Sadurniño, As Somozas, Valdoviño e Vilarmaior.

3ª QUENDA
(do 14 ao 19 de xullo)

Aranga, Arteixo, Arzúa, Bergondo, Boimorto, Cambre, Carral, Coirós, Culleredo, Curtis, Frades, Melide, Mesía, O Pino, Oleiros, Ordes, Oroso, Ozacesuras, Sada, Santiso, Sobrado, Toques, Touro e Vilasantar.

4ª QUENDA
(do 21 ao 26 de xullo)

Ames, A Baña, Boiro, Boqueixón, Brión, Dodro, Lousame, Negreira, Noia, Padrón, A Pobra do Caramiñal, Porto do Son, Rianxo, Riveira, Rois, Santiago, Teo, Tordoia, Trazo, Val do Dubra e Vedra

 

 

Páxinas suxeridas