Estás en:Novas

A Deputación da Coruña destina case medio millón de euros aos Servizos de Normalización Lingüística dos concellos

A deputada, María Muíño, lamenta a eliminación de orzamentos para a lingua galega por parte da Xunta.

Máis da metade dos concellos da provincia terán SNL a través da liña de axudas da institución.

A Deputación da Coruña destina case medio millón de euros aos Servizos de Normalización Lingüística dos concellos

A Deputación da Coruña destina un total de 489.707,26 € á creación e mantemento dos servizos de normalización lingüística dos concellos. Máis da metade dos municipios da provincia beneficiaranse da liña de subvencións encamiñada a crear e manter servizos para promover o uso da lingua galega. A responsábel da Área de Normalización Lingüística, María Muíño, defende o compromiso da Deputación co galego e a necesidade de fomentar o seu uso desde as institucións.  

"Os concellos son as administracións máis próximas á veciñanza e, polo tanto, poden cumprir un papel esencial á hora de promover o uso do galego. Neste sentido, a Deputación da Coruña quere manter o apoio á creación dos servizos de normalización lingüística que dan apoio fundamental aos municipios no seu labor normalizador", apunta a deputada da Área de Normalización Lingüística, María Muíño.  

Destaca tamén que a liña de axudas contribuirá á contratación de persoal especializado nos concellos e á creación de emprego no sector e será tamén de especial relevancia "nun momento como o que estamos a vivir en que a lingua está a ser tamén unha grande prexudicada da crise provocada pola Covid19". Neste sentido, Muíño critica que a Xunta de Galicia retirase esta mesma semana" as axudas para normalización no ensino e eliminase nos orzamentos case dous millóns de euros que tiñan que estar destinados a promover o uso do galego".  A Deputación da Coruña mantén a liña de axudas prevista para a creación e mantemento de servizos de normalización lingüística da que se beneficiarán un total de 49 concellos, algúns deles presentados en mancomunidade. O BOP publica hoxe a resolución provisional da convocatoria -cinco solicitudes están pendentes de completar documentación- coa concesión dos 489.707,26 € cun máximo de 15.000 € por servizo.    

Concellos 

ABAÑA-NEGREIRA                          15.000,00€

APOBRA DO CARAMIÑAL               15.000,00€

ABEGONDO - COIRÓS                     15.000,00€

AMES                                                 15.000,00€

ARZÚA                                                 9.074,55€

BETANZOS                                        15.000,00€

BOIRO                                               15.000,00€

CAMBRE                                           15.000,00€

CARBALLO                                        15.000,00€

CARNOTA-MAZARICOS                    15.000,00€

CARRAL                                             15.000,00€

CEDEIRA                                            15.000,00€

CULLEREDO                                      15.000,00€

DUMBRÍA-MUXÍA                               15.000,00€

MANCOMUNIDADEDE FERROL

(ARES,CABANAS,

MUGARDOS, NEDA E VALDOVIÑO)     15.000,00€

FISTERRA                                               15.000,00€

MALPICA DE BERGANTIÑOS                15.000,00€

MELIDE                                                  15.000,00€

MIÑO                                                      15.000,00€

MUROS                                                  15.000,00 €

NARÓN                                                   15.000,00 €

NOIA                                                        10.816,35€

OUTES                                                     14.319,36€     

PONTECESO                                            15.000,00€

PONTEDEUME                                        15.000,00 €

RIANXO                                                    15.000,00€

RIBEIRA                                                   15.000,00€

ROIS-DODRO                                          15.000,00€

SADA                                                       12.500,00€

SANTA COMBA                                       15.000,00€

TEO                                                         15.000,00 €

MANCOMUNIDADE DE ORDES             15.000,00€

OLEIROS                                                 15.000,00 €

OROSO                                                       7.997,00€   

TOTAL: 489.707,26 

Páxinas suxeridas