Estás en:Novas

A Deputación da Coruña destina máis de medio millón de euros a financiar os servizos de normalización lingúística municipais

A área de Normalización Lingüística contribúe á promoción do galego con persoal técnico especializado en 46 concellos

A Deputación da Coruña destina máis de medio millón de euros a financiar os servizos de normalización lingúística municipais

Un total de 46 concellos contarán con persoal técnico especializado para a promoción do galego a través da liña de axudas da área de Normalización Lingüística da Deputación da Coruña. Nesta edición, o departamento que dirixe a deputada María Muíño destina un total de 515.000 € para financiar os servizos municipais.

A área de Normalización Lingüística da Deputación da Coruña destina máis de medio millón de euros á contratación de persoal técnico de normalización lingüística en 36 concellos e 2 mancomunidades, o que significa un total de 46 concellos da provincia.

Case a totalidade das solicitudes recibirán 15.000 € para a creación e mantemento dos servizos de normalización lingüística municipais nunha convocatoria que busca intensificar e profesionalizar o traballo desenvolvido polos concellos co fin de incrementar o uso e prestixio da nosa lingua en todos os ámbitos e sectores dos municipios.

"A través desta convocatoria queremos contribuír á profesionalizar e apoiar o traballo que desenvolven os servizos de normalización lingüística dos concellos, as institucións que están máis cerca da veciñanza, que é fundamental para avanzar no uso da nosa lingua", sinala a deputada responsábel da área de Normalización Lingüística, María Muíño.

Entre as funcións xerais e de dinamización dos servizos están asesorar a administración en materia de política lingüística, velar polo cumprimento da lexislación, fomentar o uso do galego na sociedade; planificar, xestionar, executar e avaliar accións favor da lingua, propoñer programas dinamizadores ou coordinar redes de traballo para o fomento da nosa lingua. O servizos teñen tamén funcións de formación entre as que se atopan planificación, coordinación e realización de cursos, a difusión de materiais para promover o uso do galego ou a colaboración no deseño de programas de formación a favor do galego. Os obxectivos inclúen, ademais, contribuír á mellora da calidade lingüística e comunicativa da administración ou resolver dúbidas e normalizar a imaxe da institución con respecto á lingua.

Ao longo do ano, e en colaboración cos propios servizos municipais, a Deputación da Coruña desenvolve outras accións para a normalización do uso da lingua como o programa "Malas Linguas" no que participou de maneira especial persoal técnico ou "O galego, a miña lingua propia", que se dirixiu de maneira especial á xente máis nova que mereceu unha mención especial nos Premios Mil Primaveras da Coordenadora de Traballadores/as de Normalización Lingüística deste ano.

Tamén en colaboración cos concellos da provincia e a través da Rede Cultural da área de Cultura da Deputación, promociónase o uso da lingua galega por medio da modalidade "Lingua a escena!" de espectáculos culturais.

CONCELLOS

A BAÑA                                   15.000,00

A CORUÑA                              15.000,00

A POBRA DO CARAMIÑAL     15.000,00

ABEGONDO                            15.000,00

AMES                                       15.000,00

ARZUA                                        9.446,72

BETANZOS                               15.000,00

BOIRO                                      15.000,00

CAMBRE                                  15.000,00

CARBALLO                               15.000,00

CARNOTA                                 15.000,00

CARRAL                                    15.000,00

CEDEIRA                                   15.000,00

CULLEREDO                             15.000,00

DUMBRIA                                  15.000,00

FERROL                                    15.000,00

FISTERRA                                 15.000,00

MELIDE                                    15.000,00

MIÑO                                        15.000,00

MUROS                                    15.000,00

NARON                                    15.000,00

NOIA                                         10.913,76

OLEIROS                                  15.000,00

OROSO                                     14.679,91

OUTES                                      15.000,00

PONTECESO                            15.000,00

PONTEDEUME                         15.000,00

RIANXO                                     15.000,00

RIBEIRA                                    15.000,00

ROIS                                         15.000,00

SADA                                         15.000,00

SANTA COMBA                         15.000,00

TEO                                            15.000,00

MANCOMUNIDADE DE CONCELLOS COMARCA DE FERROL     15.000,00

MANCOMUNIDADE MUNICIPIOS COMARCA DE ORDES              15.000,00

 TOTAL: 515.040,39

Páxinas suxeridas