Estás en:Patrimonio Castelo de Vimianzo

Castelo de Vimianzo

Esta fortaleza medieval, situada ó pé da estrada da Coruña a Fisterra, ten forma poligonal irregular con catro torreóns orientados ós catro ventos.

A torre, situada ó leste, ten unha pequena porta de acceso a nivel do patio pola que se baixa ó soto do torreón; é a de maiores dimensións e conserva a cantería máis antiga. A torre máis alta é a sur; a principal, ou da homenaxe, que domina o acceso ó castelo. Dando ó patio atópase unha edificación en forma de L,que apoia nas murallas e torreóns norte e leste. Tódalas murallas do castelo están rematadas por elegantes ménsulas que soportan as ameas e permiten a existencia de matacáns. As últimas intervencións, sendo propiedade da Deputación da Coruña, proxectounas e dirixiu o arquitecto Luís Gorozarri del Valle.

 

ENTRADA GRATUÍA

HORARIO:

  • VISITAS LIBRES: de 10:00 a 14:00 e de 16:00 a 20:30
  • VISITAS GUIADAS: Os días 19, 20 e 21 de abril, ás 12:00 e ás 19:00 h
  • VISITAS TEATRALIZADAS: Os días 19, 20 e 21 de abril, ás 13:00 e ás 17:00 h

 

Teléfono de atención a visitantes: 981 716 354

Coa colaboración do Concello de Vimianzo