Subvencións Proxectos Innovadores Loita contra o Despoboamento 2026 – Entidades locais - 06/11/2026
Convocatoria:
Concesión de subvencións para o financiamento de proxectos innovadores para a transformación territorial e a loita contra a despoboación, promovidos por entidades locais, durante o exercicio 2026.
Finalidade:
As axudas destinaranse a financiar proxectos innovadores de carácter singular e demostrativo, que teñan como finalidade a loita contra o despoboamento, o desenvolvemento sostible e a transición ecolóxica.
A Modalidade A financiará proxectos institucionais promovidos por entidades locais, que fomenten a creación e o desenvolvemento de ecosistemas de intelixencia e innovación territorial ou o apoio a proxectos tractores que reactiven a actividade socioeconómica coa finalidade de afrontar o reto demográfico e a loita contra o despoboamento.
Obxectivos:
Os proxectos deben:
• Achegar unha visión integral do problema demográfico da zona na que se prevé que se desenvolva, ter en conta as diferentes perspectivas e, preferentemente, abordar respostas transferibles para outras zonas rurais con problemas demográficos similares.
• Propiciar a reactivación social e económica, mediante a revalorización do espazo rural desde unha dimensión socioeconómica, medioambiental e de xénero.
• Innovación para o territorio, de xeito que promovan o desenvolvemento e execución de novas actividades económicas, a xeración de novos postos de traballo ou o mantemento dos xa existentes.
Ámbito de actuación:
Con carácter xeral, os proxectos débense desenvolver en:
• Municipios < 5.000 habs.
• Núcleos < 5.000 habs. (pedanías, parroquias, etc.) en municipios ≤ 20.000 habs. e densidade <100 habs="" km2="" br="">• Áreas funcionais non urbanas < 15.000 habs.
• Todos os seus municipios < 5.000 habs., salvo a cabeceira.
Pódense desenvolver nun ou varios municipios, se todos cumpren os requisitos anteriores.
Cando o proxecto sexa supramunicipal, determinadas actividades que se deban desenvolver de xeito centralizado poderán executarse en municipios de ata 30.000 habs. (de xeito motivado).
Entidades beneficiarias:
• Municipios, deputacións provinciais/forais, cabidos/consellos insulares, comarcas e outras entidades de ámbito superior ao municipio reguladas por normativa autonómica, mancomunidades de municipios (entidades do artigo 3 da Lei 7/1985, do 2 de abril, con excepción das áreas metropolitanas).
• Comunidades autónomas uniprovinciais, no exercicio das competencias que lles corresponden ás deputacións provinciais.
• Outras entidades locais de ámbito inferior ao municipio, reguladas pola normativa autonómica, que teñan atribuídas as competencias e teñan a capacidade de xestión suficiente.
• Consorcios adscritos á Administración local, definidos no artigo 118 da Lei 40/2015.
• Agrupacións de entidades locais, conforme o artigo 11.3 LXS, sempre que todas as entidades agrupadas cumpran as condicións de admisibilidade.
Tipoloxías de proxectos e proxectos prioritarios:
1. Proxectos dirixidos a mellorar a eficiencia e eficacia dos servizos ofertados na zona.
2. Servizos poboacionais e desenvolvemento de estruturas de apoio á atracción de novos e novas habitantes.
3. Industria e comercio.
4. Apoio ao emprendemento e construción de ecosistemas rurais innovadores.
5. Cultura, lecer e deporte - PRIORITARIO
6. Posta en valor do patrimonio local.
7. Servizos sociais, saúde e economía dos coidados - PRIORITARIO
8. Transporte e mobilidade - PRIORITARIO
9. Medio ambiente e cambio climático.
10. Vivenda (mellora e desenvolvemento do parque habitacional) - PRIORITARIO
11. Xestión forestal sostible.
12. Fomento do asociacionismo, creación de redes de cooperación e apoio mutuo.
13. Agricultura, gandería e outras actividades do sector primario.
14. Enerxía.
15. Sociedade da información e dixitalización.
16. Turismo.
17. Proxectos en zonas afectadas por incendios e outras catástrofes naturais - PRIORITARIO
18. Outros proxectos de innovación territorial.
Gastos subvencionables:
Consideraranse gastos subvencionables aqueles que sexan reais e, de maneira indubidable, estean relacionados coa actividade obxecto da axuda, sexan necesarios e adecuados para a súa execución e que se destinen a:
a) Gastos de persoal.
b) Bens e servizos de uso corrente (material funxible, material didáctico, alugueiro de espazos, equipos ou vehículos, servizos profesionais, reparación, mantemento, desprazamentos, publicidade).
c) Outros gastos correntes (tributos, agás impostos susceptibles de recuperación ou compensación; gastos en revisión da conta xustificativa; e outros).
d) Gastos de inversión (inmobles, bens mobles, vehículos, bens de carácter inmaterial).
e) Gastos indirectos.
Contía da subvención:
Financiamento máximo do 90% do custo subvencionable do proxecto.
• Importes mínimos e máximos da axuda segundo o tipo de entidade:
- Deputacións provinciais/forais, cabidos/consellos insulares, CCAA uniprovinciais: desde 50.000 € ata 300.000 €.
- Comarcas, mancomunidades, consorcios, entidades locais que agrupen a varios municipios e agrupacións de entidades locais: desde 25.000 € ata 300.000 €.
- Concellos e outras entidades locais de ámbito inferior ao municipio: desde 25.000 € ata 75.000 €.
• Anticipo (de oficio) do 65,66% da axuda para 2027 e de 4,33% para 2028, sen necesidade de garantía.
Prazos:
Prazo de presentación de solicitudes: 07/10/2026 - 06/11/2026
Información específica da convocatoria:
Webinar informativo 14 de outubro de 10.00 a 12.00 h
Preguntas frecuentes
Presentación resumo da convocatoria
Documentación e bases:
Bases reguladoras
BDNS
Sede electrónica
Documentos da convocatoria
Contacto:
Ministerio para a Transición Ecolóxica e o Reto Demográfico
Plaza San Juan de la Cruz, 10
28071 Madrid (España)
Teléfono: 911210920
Correo-e: bzn-retosubvenciones@miteco.es