galego | castellano
: Normalización Lingüística

 UNIDADE TÉCNICA DE NORMALIZACIÓN LINGÜÍSTICA DA DEPUTACIÓN DA CORUÑA

 

A Unidade Técnica de Normalización Lingüística ten como principal obxectivo incrementar o uso e o prestixio da nosa lingua en todos os ámbitos da Deputación provincial, e por ende, dos concellos da provincia.

A deputación quere demostrar o seu compromiso co idioma propio prestando especial atención ao proceso de normalización dentro da propia administración, coa galeguización dos seus servizos, pero tamén implicando progresivamente á sociedade en xeral (mocidade, movemento asociativo e empresarial...).

Estamos ao seu dispor para calquera cuestión que se lle poida presentar.

CONTACTO

Alférez Provisional, nº 2

15006 A Coruña

Teléfono directo 981 080 358 ext.: 4320, 4321, 4322

Enderezo electrónico: normalizacion.linguistica@dicoruna.es

 

 

A Deputación leva “Cousas” a dez concellos cunha actividade literaria e teatral
23 de Decembro de 2016

Castelao escribiu e ilustrou "Cousas" mais faltoulle levar estas creacións orixinais a escena. A Deputación da Coruña achega agora a obra ao teatro da man da compañía "Os Quinquilláns" nunha proposta teatral e literaria que chegará a dez concellos nun programa que pon o ramo ao Ano Castelao.

Goretti Sanmartín destaca o papel dos certames nas distintas disciplinas “como símbolo do apoio á creación”
22 de Decembro de 2016

Novos nomes e persoas xa coñecidas nos distintos ámbitos culturais déronse cita no acto de entrega dos premios das áreas de Cultura e Lingua da Deputación da Coruña deste ano que premiaron, entre outros e outras, as escritoras Eli Ríos e Lorena Conde e o escritor Vicente Luís Mora, ás bandas Bala e Colaxe en música infantil, a Pablo Carpintero e Lidia Neves en artesanía, a Emilio Fonseca en banda Deseñada ou a David Calle en arte. Os premios de lingua…

A Deputación da Coruña aposta por reforzar os servizos de normalización dos concellos
22 de Novembro de 2016

Máis de cen persoas dos servizos técnicos de normalización ou con responsabilidade política na área participaron nunha xuntanza que se desenvolveu na sede da Deputación da Coruña presidida pola vicepresidenta e responsábel de Normalización Lingüística, Goretti Sanmartín Rei.

A mostra “Saúde e Terra, irmá(n)s” leva o legado das Irmandades da Fala a Pontevedra
15 de Setembro de 2016

Até o día 2 de outubro a mostra "Saúde e Terra, irmá(n)s", promovida pola Área de Cultura da Deputación da Coruña, a Real Academia Galega e o Museo do Pobo Galego, poderase ver no Museo de Pontevedra, grazas á colaboración coa Área de Cultura da Deputación de Pontevedra. A exposición, inaugurada na Coruña, xa visitou Compostela e Vigo e continuará o seu itinerario en Ourense e Lugo para rematar o ano do centenario das Irmandades da Fala en Ferrol.