Páxinas
Novas

Novas

A Deputación da Coruña pon a disposición de asociacións e clubes o pavillón polideportivo do Calvo Sotelo
21 de Xullo de 2017

A Deputación da Coruña autorizará o uso do pavillón polideportivo do colexio Calvo Sotelo a asociacións, clubes e outras entidades que desexen realizar actividades deportivas e culturais.

As pistas estarán dispoñibles durante toda a tempada 2017-2018, desde o 1 de setembro ata o 30 de xuño, e o prazo de reserva está aberto desde o vindeiro luns, 24 de xullo, ata o 11 de agosto.

A Deputación da Coruña colabora no financiamento de actividades de programación cultural e de divulgación do coñecemento científico da Universidade da Coruña
21 de Xullo de 2017

Xornada sobre linguaxe e investigación científica, programa de Promoción das vocación científicas entre a sociedade, aula de teatro e danza, obradoiros e exposicións son algunhas das actividades que se inclúen no programa cultural e de divulgación do coñecemento científico que se contemplen no convenio que veñen de asinar a vicepresidenta da Deputación, Goretti Sanmartín, e o reitor da Deputación da Coruña, Julio Abalde.

Solicitude de reserva da pista do Calvo Sotelo
20 de Xullo de 2017

As solicitudes presentaranse no Rexistro do Pazo Provincial

O prazo de presentación de solicitudes será desde o 24/07/17 ao 11/08/17 (ambos os dous días inclusive)

San Sadurniño licita por 220.210 euros as obras financiadas polo Plan Único da Deputación
20 de Xullo de 2017

O Boletín Oficial da Provincia publica hoxe a licitación das tres obras que financia o Plan Único da Deputación en San Sadurniño. A institución provincial destina un total de 220.210 euros ao concello, para financiar o 100% das obras de pavimentación e mellora dos camiños rurais nas parroquias de Igrexafeita, Lamas, Santa Mariña do Monte, Naraío, Ferreira e San Sadurniño.

Corenta rapaces rematan o curso da Campaña de Vela da Deputación en Ponteceso
20 de Xullo de 2017

Os 40 rapaces e rapazas dos concellos da zona de Bergantiños e a Costa da Morte que participan na Campaña de Vela 2017 da Deputación da Coruña rematan mañá os cursos de navegación que tiveron lugar en Ponteceso durante toda a semana.

Goretti Sanmartín defende a capacidade normalizadora de concursos musicais infantís como o Quero Cantar
20 de Xullo de 2017

A vicepresidenta da Deputación e responsábel da área de Cultura e Normalización Lingüística participou no Curso de Verán de Dinamización Lingüística organizado pola Universidade da Coruña en Carballo cunha intervención en que defendeu a capacidade normalizadora de concursos musicais en que son protagonistas público infantil e xuvenil como o Quero Cantar da Deputación da Coruña.

Ánxela Franco alaba a “resistencia” das librarías na inauguración da Feira do Libro de Rianxo
20 de Xullo de 2017

A deputada Ánxela Franco participou na inauguración da Feira do Libro de Rianxo e gabou no seu discurso a "resistencia" das librarías por seren quen de sobrevivir nos difíciles tempos para a cultura. Reclamou a redución do IVE cultural e destacou o papel de Rianxo na historia literaria galega.

55 equipos masculinos e 26 femininos disputarán a Copa de Fútbol Deputación da Coruña
19 de Xullo de 2017

Cincuenta e cinco equipos de segunda división B, terceira división, preferente e primeira autonómica da provincia da Coruña disputarán este ano a XXIX edición da Copa de Fútbol Deputación da Coruña. Así mesmo, a segunda edición da Copa de Fútbol Feminino Deputación da Coruña contará con 26 clubs participantes de segunda división nacional e da 1ª e 2ª división da Liga Galega.
O campionato foi presentado esta mañá, na sede da institución provincial, polo deputado…

Solicitan unha mesa de negociación coa Xunta para que asuma o financiamento dos conservatorios municipais
19 de Xullo de 2017

Alcaldes e representantes dos gobernos locais dos concellos de Arzúa, Carballo, Culleredo, Melide, Noia e Ponteareas reuníronse na Deputación da Coruña coa vicepresidenta e responsábel da Área de Cultura, Goretti Sanmartín para estudar a situación dos conservatorios de música profesionais municipais. Na xuntanza decidiron solicitar unha mesa de negociación coa Xunta de Galicia co obxectivo de que esta asuma o seu financiamento.
Os alcaldes de…