Pódese calumniar unha lingua? Hai linguas malas ou boas? Hai linguas bonitas ou feas; útiles ou inútiles? Poden as linguas ser poderosas ou desposuídas?

O galego precisaba redefinir a súa folla de ruta para activar falantes no século XXI. Para contribuír a ela, a Deputación da Coruña organizou as xornadas Malas linguas nos anos 2018, 2019 e 2020 (nesta edición de modo virtual por mor da crise sociosanitaria provocada pola covid-19), dirixidas principalmente ás persoas que traballan no ámbito da normalización lingüística e das políticas públicas.

As tres edicións de Malas linguas foron unha oportunidade para facer diagnose, analizar a situación dese momento e, desde aí, trazar, imaxinar e coller folgos para continuar o camiño da normalización lingüística da lingua galega.

Obxectivos

• Crear un espazo de diálogo no que entender de onde viñamos e imaxinar cara a onde queriamos ir.
• Renovar o argumentario para as políticas públicas de normalización lingüística, con tres alicerces:
• manter espazos de reflexión
• dar ideas prácticas
• fomentar o traballo en rede.

Vídeos

Lista de reprodución no Youtube

Publicacións

Malas linguas. Activando falantes para o século XXI (2018-2019)

• Lingua, discurso e políticas públicas (23/10/2018)
• Lingua e memoria. Transmisión familiar da lingua (29/11/2018)
• Lingua, infancia e mocidade. Transmisión non familiar da lingua (01/03/2019)
• Lingua e xéneros (12/04/2019)

Malas linguas. Activando falantes para o século XXI (2020)

• Boas prácticas para as linguas minorizadas do Estado (10/11/2020)
• Revitalización lingüística en linguas ameazadas (12/11/2020)
• Xornada de reflexión interna co persoal dos SNL (17/11/2020)