Unha eclipse total: 12 de agosto de 2026
O 12 de agosto de 2026, a última hora da tarde, temos a posibilidade histórica de vivir un evento que non se produce en Galicia dende 1912 e que non se repetirá ata 2180.
ATENCIÓN! NON MIRES DIRECTAMENTE AO SOL durante a parcialidade sen a protección ocular axeitada, para evitar danos permanentes na vista.
USO DE LENTES HOMOLOGADAS
Observación SEGURA da eclipse
O uso de lentes de eclipse é obrigatoria se miramos ao Sol durante a fase de parcialidade
- Debemos poñer as lentes primeiro e logo mirar ao Sol, non ao revés.
- De cada vez que observemos coas lentes, non é recomendable facelo máis de 20 segundos seguidos.
- Durante a totalidade, e exclusivamente nese tempo, podemos observar sen lentes e así ver a corona solar e as protuberancias.
 |  |
Unha eclipse total de Sol é un fenómeno espectacular e abraiante que debemos disfrutar, pero sendo conscientes de onde, cando e como facelo.
- Acude á zona de totalidade se é posible, a experiencia e moito máis atractiva que na zona de parcialidade.
- Ten claro que na zona elixida non hai obstáculos no horizonte oeste, pois o Sol non estará moi alto.
- Procura estar con tempo de marxe no lugar elixido.
- Leva todo o necesario, pois posiblemente botes varias horas na zona de observación.
- Infórmate con antelación e con fontes axeitadas do que vas ver e cando son os momentos clave.
- Usa sistemas de observación segura cando mires directamente ao Sol na fase de parcialidade.
- Exclusivamente no momento da totalidade podemos mirar sen protección ocular.
- Goza da visión da paisaxe mentres o Sol vai sendo ocultado para ver os cambios no ambiente.
- Respecta a natureza, non alteres o medio e deixa todo limpo antes de marchar do lugar de observación.
A órbita da Lúa está inclinada 5.1° con respecto á órbita da Terra entorno ao Sol, por iso só hai eclipses se a Lúa está aliñada co Sol vista dende a Terra e ademais no punto de corte de ambos planos
Ligazóns de interese:
https://theeclipse.app/es
Aplicación web con información local detallada. Ideal para consultar horarios precisos en calquera lugar
https://www.trioeclipses.es
Páxina oficial con información sobre os tres próximos eclipses solares na península ibérica
https://eclipse262728.es
Páxina con información sobre os tres próximos eclipses solares na península ibérica