Estás en:Novas

Éxito de convocatoria no seminario de defensa persoal feminina da Deputación da Coruña en Boiro

O curso completou as 70 prazas dispoñibles

A deputada de Educación, Sandra González Castro, participou na entrega de diplomas

Éxito de convocatoria no seminario de defensa persoal feminina da Deputación da Coruña en Boiro

O pavillón polideportivo de Boiro acolleu esta fin de semana un dos seminarios intensivos de defensa persoal feminina organizados pola Deputación da Coruña en distintos concellos da provincia.

O curso contou cunha elevada demanda, rexistrándose máis dun centenar de solicitudes para as 70 prazas dispoñibles, que se completaron ao 100%.

As mulleres participantes no curso, entre os 14 e os 65 anos, tiveron a oportunidade de aprender e ensaiar técnicas de autodefensa e protocolos de actuación ante unha posible situación de perigo: saber caer e levantarse, manexarse no chan, moverse e desprazarse ou manter a distancia co agresor foron algunhas das técnicas aprendidas.

A deputada de Educación, Sandra González Castro, o tenente de alcalde, Luís Ruíz, a concelleira de Deportes e Igualdade, Dores Torrado, participaron na entrega de diplomas e felicitaron ás participantes.

Os cursos de defensa persoal feminina continuarán nas vindeiras semanas nos concellos de Ames e Melide.

Páxinas suxeridas