Novas

O presidente da Deputación da Coruña, Valentín González Formoso, os membros dos diferentes grupos políticos representados na Corporación e os traballadores da Deputación concentráronse este mediodía diante da sede da institución provincial, onde gardaron un minuto de silencio en memoria das vítimas do atentado de Barcelona.

A Deputación da Coruña convoca dúas liñas de axudas dirixidas a agrupacións, asociacións e agrupacións de asociacións de protección civil dos concellos de menos de 20.000 habitantes da provincia.

O Boletín Oficial da Provincia publica hoxe a licitación de dous proxectos financiados polo Plan Único da Deputación en Neda, que consistirán na pavimentación de varios camiños rurais.

O Boletín Oficial da Provincia publica hoxe a licitación das obras de pavimentación das rúas Rosalía de Castro, Galicia e Cristóbal Colón, no concello de Ribeira, financiadas pola Deputación da Coruña cun orzamento de 173.450,39 euros.

O Boletín Oficial da Provincia publica hoxe a licitación de cinco proxectos, por un importe total de 1.132.285 euros, que financia a Deputación da Coruña nas Pontes a través do Plan Único.

A área de Cultura da Deputación da Coruña apoia os investimentos culturais de 74 entidades cun orzamento de 245.740,71 €. Adquisición de instrumentos musicais ou equipamentos informáticos, reformas de locais ou compra de mobiliario son algúns dos investimentos desta liña da que se publica a concesións provisional.

O Boletín Oficial da Provincia vén de publicar a licitación das obras de mellora da sinalización horizontal e vertical nas parroquias de Cabovilaño, Caión, Lestón, Montemaior, Soandres e Torás, no concello da Laracha.

Estes traballos, financiados pola Deputación da Coruña a través do Plan Único, contan cun orzamento de 30.000 euros e permitirán a reposición de sinais de tráfico en marcas viais en mal estado.

A vicepresidenta da Deputación da Coruña, Goretti Sanmartín Rei, recibiu a Lola e Santiago Iglesias Veiga, fillos do alcalde de Vilasantar, Antonio Iglesias Corral, asasinado despois do golpe militar de 1936. "O seu é un exemplo da represión do franquismo, a que foi silenciada e aínda agora quere negar a Fundación Francisco Franco", sinala Goretti Sanmartín.

O acceso á arte é desigual e as persoas con diversidade funcional e que residen en localidades pequenas afastadas das cidades teñen moito máis difícil o seu goce. Para mudar esta situación, a Asociación Participa desenvolve un programa que conta co apoio da Deputación da Coruña.