Estás en:Novas

Seiscentos escolares da provincia participarán na Campaña da Neve da Deputación da Coruña

Ata o 16 de decembro está aberto o prazo de inscrición para participar nas viaxes á estación invernal de Valgrande-Pajares, en Asturias

Os participantes gozarán de catro días para facer cursos de esquí e actividades complementarias

Realizaranse seis quendas diferentes entre o 13 de xaneiro e o 17 de febreiro

Seiscentos escolares da provincia participarán na Campaña da Neve da Deputación da Coruña

Seiscentos escolares dos concellos da provincia participarán en xaneiro de 2023 na Campaña da Neve da Deputación da Coruña, que se desenvolverá na estación invernal de Valgrande-Pajares, en Asturias.

A actividade está dirixida a rapaces e rapazas empadroados nos concellos da provincia da Coruña, de entre 11 a 15 anos de idade. As viaxes inclúen transporte, estadía e manutención, así como supervisión de monitores, clases de esquí, seguros, alugamento de material, remontes mecánicos e todo o gasto das actividades programadas. As inscricións están abertas ata o 16 de decembro nos concellos. A viaxe terá un custo de 85 euros.

Con esta campaña, a Deputación pretende "que os rapaces e rapazas da provincia da Coruña poidan iniciarse ou perfeccionar as súas habilidades no esquí, ao mesmo tempo que participan noutras iniciativas deportivas e culturais organizadas de xeito complementario", indicou a deputada de Deportes, Cristina Capelán.

Establécense un total de 6 quendas diferentes, entre o 13 e o 17 de xaneiro.

Do 13 ao 16 de xaneiro poderán ir os rapaces de Ares, A Capela, Cariño, Cedeira, Cerdido, Fene, Ferrol, Mañón, Moeche, Mugardos, Narón, Neda, Ortigueira, As Pontes, San Sadurniño, As Somozas e Valdoviño.

Entre o 20 e o 23 de xaneiro: Cabana de Bergantiños, Camariñas, Carballo, Carnota, Cee, Cerceda, Corcubión, Coristanco, Dumbría, Fisterra, A Laracha, Laxe, Malpica, Muxía, Ponteceso, Santa Comba, Vimianzo e Zas.

Do 27 ao 30 de xaneiro: de Boiro, Brión, Dodro, Lousame, Mazaricos, Muros, Negreira, Noia, Outes, Padrón, A Pobra do Caramiñal, Porto do Son, Rianxo, Ribeira e Rois.

Do 3 ao 6 de febreiro: A Baña, Ames, Boqueixón, Ordes, Oroso, O Pino, Santiago de Compostela, Teo, Tordoia, Touro, Trazo, Val do Dubra e Vedra.

Do 10 ao 13 de febreiro: Abegondo, Aranga, Arzúa, Bergondo, Betanzos, Boimorto, Cabanas, Coirós, Curtis, Frades, Irixoa, Melide, Mesía, Miño, Oza-Cesuras, Paderne, Pontedeume, Santiso, Sobrado, Toques, Vilarmaior e Vilarsantar.

Do 17 ao 20 de febreiro: Arteixo, Cambre, Carral, A Coruña, Culleredo, Oleiros e Sada.

Más información e ficha de inscrición.

Páxinas suxeridas