A Biblioteca Provincial estará na Feira do Libro da Coruña
A Biblioteca Provincial estará varias Feiras do Libro este verán, entre elas na da Coruña, con obradoiros creativos a través da técnica do scrapbooking.
Cada obradoiro desenvolverase en sesións de 90 minutos, orientado á rapazada de 6 a 11 anos.
Agardámosvos!
Obradoiros creativos de scrapbooking
As feiras do libro adoitan incluír unha variedade de actividades para diferentes públicos entre os que destacan, talleres e actividades para nenos/as, achegando a lectura aos máis novos a través de xogos, contacontos, creación de libros e outras actividades lúdicas. Por isto, a Biblioteca Provincial quere acudir a estes eventos cunha serie de actividades, co obxecto de inspirar novos lectores e fomentar o hábito da lectura, especialmente entre as persoas máis novas.
Cada sesión terá unha duración de 90 minutos, estarán dirixidas por 2 monitores/as e destinado á rapazada de 6 a 11 anos (cun máximo de 15 participantes por sesión).
*O "scrapbooking" é un método no que se utilizan diferentes técnicas artísticas como caligrafía, debuxo, papiroflexia, estampaxe e materiais diversos como
teas, cintas, adhesivos, etc. para crear e decorar álbums de recordos, tarxetas, láminas....
Datas e horarios
•Feira do Libro da Coruña
Día 5 e 7 de agosto de 2025
Horario: 17:30 a 19:00 h.
A Feira do Libro da Coruña celébrase entre o 1 e o 10 de agosto, nos Xardíns Méndez Núñez. O horario de apertura ás persoas asistentes é de 11 a 14 h. de mañá, e de 17:30 a 21:30 h. pola tarde.
Participarán as seguintes librarías: Ediciones Del Viento, Cartem, Espazo Lector Nobel, Casa Del Libro, Librería Uróboros, El Faro De Los Tres Mundos, Couceiro Librerías, Librería Aenea, Metropolis Comics A Coruña, Galgo Azul (Libros, Grolos e Moito Máis), Editorial Bululú, Libraría Cartabon, Eneida, Libraría Agrasar - Monforte, Libraría Pedreira, Boadicea Malafera, A Gata Tola, Alvarellos Editora, Librería Perseida, Kalandraka, Ula Libraría Social, Formatos-A Coruña, Librería Bandini, Librería Xiada, Mar de Letras, Librería Arenas, Komic Librería, Editorial Galaxia, Berbiriana, Santos Ochoa, Consorcio Editorial Galego, El Cocodrilo Amarillo Libros, Librería-Café Hoboken, Ler Librerías Pobra do Caramiñal, Astora Cómics - Santiago, Alita Cómics.
Haberá descontos do 10% no prezo dos libros.
Programa ao completo aquí: Feira do Libro da Coruña 2025_ Programa