A cidade dos prodixios (Eduardo Mendoza)

Reunímonos na sala Compartindo lecturas do club dixital eBiblioDaCoruna:

• Obra: La ciudad de los prodigios
• Autor: Eduardo Mendoza
• Sala: Compartindo lecturas
• Moderadora: Patricia Cernadas
• Encontro: 27 de outubro ás 20h.

Agardámosvos!

Clubs de Lectura virtuais da Biblioteca Provincial da Deputación da Coruña

Darse de alta na eBiblio (Biblioteca Dixital da Deputación da Coruña)

• No seguinte enlace poderás darte de alta na nosa biblioteca dixital: https://forms.gle/uyXWBZcUDi2TjhxA8
• Se xa formas parte da biblioteca dixital, só tes que seguir aquela/s sala/s que máis che interese.

Que é eBiblioDaCoruna Club Lector

eBiblioDaCoruna Club Lector é un espazo en liña para ler, comentar e compartir lecturas de xeito virtual.

Está aberto a totas as persoas usuarias das Bibliotecas Municipais da provincia e da Biblioteca Provincial.

Para poder formar parte deste club de lectura virtual é preciso primeiro formar parte da biblioteca dixital eBiblioDaCoruna

Pertencer ao club lector non ten ningún custo, e está aberto a que poidas usalo as 24 horas do día os 365 días do ano.

O club conta, a día de hoxe, con catro salas:

• Tinta e equidade: é un club dixital de lecturas en igualdade de xénero en colaboración entre a área de Políticas de Igualdade de Xénero e a Biblioteca da Deputación. Este club completa o catálogo de actividades en igualdade que teñen como obxectivo achegarse ao conxunto da poboación da provincia, viva onde viva e teña a idade que teña.
• Páxinas de orgullo: é un club especializado en lecturas LGTBiQ+ en colaboración entre a área de Políticas de Igualdade de Xénero e a Biblioteca da Deputación. A Deputación da Coruña leva anos facendo un importante traballo para visibilizar a importancia da tolerancia e a igualdade das persoas, independentemente da súa orientación sexual e identidade de xénero, e co propósito de normalizar e sensibilizar á sociedade sobre as diversidades sexuais.
• Arredor dos libros dedicado a escritores ou obras en galego.
• Compartindo lecturas, no que se percorren libros e autores da literatura universal.

Máis información en: https://dacoruna.gal/biblioteca/ebibliodacoruna/