Circuíto de cultura en igualdade
Ponse en marcha a II edición do Circuíto de Igualdade da Deputación da Coruña, que chegará durante os próximos meses a 21 concellos coruñeses e aos dous centros infantís de titularidade provincial.
O programa inclúe nove propostas de teatro, música e contacontos nos que se traballa a diversidade sexual, a sensibilización en materia de igualdade de xénero e a prevención da violencia machista
O programa inclúe as seguintes representacións:
- Feminíssimas, de De Ste Xeito Producciones
- As Mapoulas, de Laboratorio Escénico Coop.
- Emilia Docet, de Compañía Eléctrica
- As Alumnas, de Culturactiva Producións
- Amantis, de Rebordelos
- Os Nenos da Variola, de Pérez e Fernández
- Asdomare, de Rilo e Penadique
- 4.0, de Sue Moreno
- Ris Ras, de Baobab Teatro
Os espectáculos están destinados a todos os grupos de idade e traballan temáticas e tramas que van desde a lembranza das casas refuxio e as mulleres libertarias ("As Mapoulas", de Laboratorio Escénico) até a viaxe de Isabel Zendal ("O nenos da varíola", de Pérez&Fernández), pasando polo tratamento da violencia dixital ("Miss Docet", de Compañía Eléctrica), o reencontro de tres amigas ("Feminíssimas", de De Ste Xeito Producciones), a vida da pedagoga María Barbeito ("As alumnas", de Culturactiva Producións), os problemas de conciliación ("4.0", de Sue Moreno), as mulleres do mar como protagonistas ("Asdomare", de Rilo & Penadique), a música de tradición oral feita por mulleres ("Ris Ras", de Baobab Teatro) e a influencia das redes sociais, o "selfie" e o "sexting" na creación da propia identidade ("Amantis", de Rebordelos).
LOGOTIPO DO CIRCUÍTO PARA DIFUNDIR A ACTIVIDADE
PROGRAMACIÓN DECEMBRO
PROGRAMACIÓN NOVEMBRO
PROGRAMA XERAL DO CIRCUÍTO
