Carné para entidades

Programa "Libros á súa medida"

Sabendo a importancia que ten a lectura e tendo en conta o alcance e a repercusión que pode ter a colaboración con outras entidades, máxime en épocas como a que nos tocou vivir nestes momentos, a Biblioteca da Deputación da Coruña quixo aumentar os seus esforzos para impulsar o hábito lector a través da cooperación cos centros educativos.
Para iso decidiu ofrecer aos colexios, que así o desexen, a oportunidade de gozar dun préstamo especial de "Libros á súa medida".
Para participar neste programa simplemente teñen que acudir á Biblioteca provincial e pasar pola sección correspondente (BBTK Infantil para menores de 9 anos, Sección Xuvenil para a mocidade de 9 a 17 anos) onde poderán retirar un máximo de 15 libros, dunha selección de gran calidade do panorama editorial actual. O préstamo será de 45 días.

Con todo isto pretendemos conseguir unha percepción positiva da lectura por parte da infancia e mocidade a través de libros de calidade, en sintonía cos seus gustos e necesidades. Deste xeito, a primeira vez que un colexio queira incorporarse ao Programa "Libros á súa medida", deberá traer un documento que acredite que fará uso da Biblioteca en concepto de centro educativo, ademáis de cubrir o impreso que aparece mais abaixo, e faráselle un carné de socio. Co devandito carné, calquera docente do centro poderá retirar os libros que necesite para realizar o seu marabilloso labor mentres favorece o fomento da lectura.