Estás en:Patrimonio Dolmen de Dombate

Dolmen de Dombate

Monumento megalítico no que existen dous túmulos superpostos: Un túmulo recente de 24 metros de diámetro e 1,8 metros de altura que presenta unha cámara poligonal longa, de sete ortostatos, aberta ó exterior a través dun corredor de tres treitos, orientado ó leste, ben diferenciado tanto en planta como en alzada. Este corredor, que aparecía tapado por unha lousa a xeito de porta continúase cara ó exterior a través dun corredor ou dromos existentes na masa tumular. Tanto a cámara como o corredor, presentan importantes restos de arte, sexa gravado ou pintura. É un túmulo antigo de 10,5 metros de diámetro e de 1 metro de altura, cunha estructura interna formada por unha cámara de nove ortostatos aberta ó leste, ó que se accedía por unha entrada en pozo. Adquirido pola Deputación da Coruña segundo escritura pública o 11 de setembro de 1975.

Catálogo en formato PDF (11 MB) : "O dolmen de dombate: Arqueoloxía, Arquitectura e Conservación"

SEMANA SANTA: todos os días visitas guiadas de 11:00 a 14:00 e de 16:00 a 20:00 horas.

VERÁN VISITAS LIBRES: do 1 de xuño ao 30 de setembro, todos os días da semana durante o verán en horario de 09:00 a 21:00

VERÁN VISITAS GUIADAS: do 1 de xullo ao 15 de setembro

De luns a domingo de 11:00 a 14:00 e de 16:00 a 20:00

Visitas guiadas cada 30 minutos: comezando a primeira ás 11:00 e a última ás 19:30

VISITAS GUIADAS NOCTURNAS

No mes de xullo os venres 9 e 23 ás 23:00

No mes de agosto: os venres 6 e 20 ás 23:00

Télefonos de contacto:

- Atención ao público/guía: 672 43 57 36

- Centro Arqueolóxico Dolmen de Dombate: 618 57 54 81

- Concello de Cabana de Bergantiños (horario de mañá): 981 75 40 20

Coa colaboración do Concello Cabana de Bergantiños