Campaña "De fronte a violencia de xénero".Conmemoración 25N "Día contra a violencia de xénero"
Bota a andar un ano máis a campaña DE FRONTE á violencia de xénero, impulsada dende a Área de Igualdade da Deputación da Coruña con motivo da conmemoración do 25 de novembro, Día Internacional da Eliminación da Violencia contra as Mulleres.
Consideramos que o traballo contra as violencias machistas debe ser unha campaña continua, polo que desenvolvemos actividade os 365 días do ano.
Nesta ocasión, queremos poñer o foco na identificación dos diferentes tipos de violencias machistas poñendo a disposición de concellos e entidades a través da web DeFronte diferentes materiais como:
• Material con contidos preventivos en materia de violencia de xénero
• Xogos interactivos
• Recursos didácticos, literarios e audiovisuais
• Contido dixital co obxecto de visualizar as infeccións de transmisión sexual (ITS), fomentar o auto coidado, a responsabilidade individual e colectiva e a eliminación dos estereotipos de xénero no ámbito das relacións sexuais.
Tamén se levaran a cabo:
• 5 palestras en diferentes entidades sobre temáticas como:
- Violencia económica contra as mulleres e o seu impacto na saúde mental.
- Violencias sexuais: como inflúe o xénero nas infeccións de transmisións sexuais.
- Novas-vellas violencias: dimensións dixitais das violencias sexuais.
- Abordaxe interseccional das violencias machistas.
- Masculinidades igualitarias na loita contra a violencia de xénero
• Realizarase en colaboración cos nosos centros educativos unha acción dinamizada en formato enquisa sobre as infeccións de transmisión sexual (ITS) que poderase seguir nas redes sociais de Deputación.
• Realizarase unha actividade simbólica o propio día 25N as 11 da mañana nos diferentes centros da Deputación. e nos diferentes concellos e entidades adheridos.
- Recursos
A programación da campaña complétase coas actividades, guías e outros recursos dispoñibles para a súa consulta e que aumentan ano tras ano. Poñemos á disposición de familias e persoal educador material para traballar arredor da violencia de xénero.
Tamén está dispoñible para a súa descarga a imaxe gráfica da campaña en distintos formatos.
Para mais información consulta a campaña defronte.gal
Anuncios #RompeOSilencio